Yrande dyreliv på Tømmerbakken!

Her går det føre seg, men i høveleg tempo :)
Tre søyer har no lamma med 3 dagers mellomrom og alle har fått flotte tvillingar. Det har vorte nokre hyppige turar i fjøsen både dag og natt i det siste og det er like spennande kvar gong. Dei to siste søyene lamma ute og alle har klart seg sjølve. Det er rørande å sjå kor naturen er tillaga - sauene har aldri lamma før, men tek til å slikke desse nurka straks dei er fødde og lamma finn sjølve vegen til spenane - litt meir hjelpalaust ein lite menneskjebaby...
Kyllingane har no fått seg ny bupel der arealet er 6 gongar større og temperaturen 8 gongar lågare. Adressa er ikkje lenger ei pappkasse i svalgangen, men det gresne hønsehuset nedi løda - noko det ser ut til at dei trivast med.
Våren synte seg frå sine vakraste sider her nokre dagar: lam kom til verden, biene tok sine fyrste flygeturar for sesongen, pus er mesta aldri heime og ber preg av at det er kamp om damene her i Vikebygda, linerla og storehønene trippar i tunet og dei fyrste blomane kika opp or molda. Nett no er det derimot låge temperaturar og snødekte markar igjen - vi får tru det var den såkalla "erlerida" som vitja oss og at dette blir det siste vi ser av kongvinter for denne gong!!

BÆÆÆÆÆÆÆÆÆÆÆÆ

Våre ferskaste familiemedlem fødde idag (fredag) i den gamle gjødselkjellaren medan det snøva ute. Heidull vart mor til eit væralam og eit sauelam som båe skal få namn på H etterkvart.

Tysdags morgon var det kosesauen Florita som hadde lamma ute når vi kom i fjøsen på morgonen.

Ein stolt Vetle med sauelammet Flora :)

Kjempestas å få syne tante Grete (fotografen) lamma våre :)

Blåmann og Besti, våre fyrstefødde.

Flora og Flekkfrid

Vår !!
Markane tek til å verte snøfrie og eit aller anna etande er der allereie for sauene er på ivrig leiting...

Blåne, Blåmann og Besti har slept ut på markane...

HØNE-PØNE

Gløs frå hønsehuset

BZZZZZZZZ... Tore har tatt vårreingjering i bikubene .

Ut å drite...
-så sesonens fyrste flygetur og jammen hadde dei ikkje med seg gult pollen attende til kuba :)

KYLLINGNYTT

Ikkje mykje plass i terariumet no når kyllingane har vorte så store
- her på flyttefot til hønsehuset.

Feiaren er framleis den minste.. kanskje ei silkehøne eller av ei anna lita rase.

Reine ungdommen blitt med fjøyr og de heile :)

VÅRYR SLOSTKJEMPE

Oyoyoy!
Ikkje akkurat noko vakkertsyn i morgonsola...

Lauv, mold, gras, furunåler og småsår "all over"
Så då vart det skikkeleg KATTAVASK

-vakje mykje te kar her nei...

men såg straks kjekkare ut nokre dagar seinare!

Mjauris hadde forresten time med veterinæren for kastrering to dagar før han kom heim etter slosstinga, men trur du han kom heime til avtalt tid? Timen måtte avbestillast og gutten kom ruslande heim med ballane i god behald utpå ettermiddagen...

Våre fyrstefødde!!!!!

Ja då er våren verkeleg komen på Tømmerbakken!!!
Idag har snøven bråna i høgt tempo og i kveld kom våre fyrste lam til verden.
Blåne har trekt seg unna og synt dårleg matlyst idag så vi har hatt nokre hyppige visittar i fjøsen... I kveldinga var fødselen i gang og ho fekk seg eigen lammebinge inne i fjøsen. I 23 tida var ein flott og svart vær med kvit panne fødd. Medan eg sto å beundra dette fantastiske livet som alt hadde teke beina fatt fekk eg sjå systra kome til verden :) No tek bøndrene kveld etter ein siste sjekk i fjøset der begge lamma no har funne vegen til matfatet... :)
Må innrømme me`e`litt stolte!!! Ikkje kvardagskost å få tvillingfødsel på ein sau som var lam i fjor helller :)

Fyrstefødde i nyare tid på Tømmerbakken
Værlam

Tvillingane får godt stell..

mmmm mjølk va godt!!!

Hardt liv - treng kvile også :)

SPENNANDE MORGONSTUND I FJØSEN :)

Vetle he alle mest lyst til å halde no med det same :)

To kjekke og spreke lam

Då kom våren med meir engergi til mej!!!!

Eller var det med påskeferien den kom??? eller er den trøttaste delen av svangerskapet over kanskje??? I alle fall energi og tid til litt blogging: så her kjem eit attersyn med vinteren 2010!!!

På Tømmerbakken står det bra til og også vi er glade for at snømengda minkar for kvar dag som går... tenkjer sjølvsagt litt på lam og sauer som heilt sikkert hadde såtte pris på snøberre markar etterkvart :)
Den fyrste vinteren i nytt hus, utan traktor og med sauer i fjøset har gått kjempe bra. RogerNabo har vore til god hjelp med måkinga, noko vi er veldig takksame for.
Gutane har vorte nokre racera på ski, Tore har vore ein flittig bonde i fjøset både seint og tidleg, og eg sjølv har fungert bra til trass for samanhengande "kvalme" sidan ei stund før jul (termin medio august :)

Solatterkome etter å ha vore vekke i 2 veker.
Vinterveiret har vore perfekt til å følgje med på mellom anna sola... No har vi den i ca 14 timar for dag.

VETLE 5ÅR
Knusing av pepparkakehuset vart spart til guteselskapet!



Fakkeltog for bevaring av Volda Sjukehus


"Snøhola" til Era denne vinteren

Snøhole i den store snøhaugen i hagen til Mormor og Besten

Sjeldan gjest på fuglebrettet...
Verdt eit forsøk når han ikkje fe tak i småfuglane ved å jakte på bakken...

Kjekt å hoppe frå stilaset!

Pittelitt snø fast i pelsen....:(

Inneveiret har gitt rom for fullføring av "badet" i svalgangen..
Her vert det do og vask, samt mykje plass til kle og sko he me funne ut!
Gjestane kan få gå på do oppe :)

Ein av etterkvart mange skiturar denne fantastiske vinteren :)

RUGEMASKINPROSJEKTET MITT
ved Vikebygda skule
Etter 21 dagar i rugemaskina på klasserommet kunne vi høyre piping og hakking inni egga. Små hol vart etterkvart større og til slutt såg 10 kyllingar dagens lys.

Morgonstemning :)
Ned på land låg tjukkeskodda til langt utpå førmiddagen...

Kyllingane vart også til stor glede for gutane her heime.
(Skulelevane var igjen lenge etter skuletid for å få kose med kyllingane og eg har lovt at dei skal få kome å helse på etterkvart)

Farfarkos

PÅSKA 2010

Skodde, snøkave og sureveir under turen opp. Olve gjekk på Mosehaugen før han havna i pulken for ein middagskvil...

Etter to døgn utan sikt openbèra Tryften og fjellet seg for oss :)

... og då måtte me sjølvsagt ut på tur

Bålbrenning med pølse- og svelesteiking.

- ej skal gå sjøl!

Vassholet hadde ein god del ferre trappetrinn i år enn i fjor...

Puddersnø vart på berre nokre timar omgjort til kramsnø då mildveiret slo til. Det vart brått ideelt for snørformingsaktivitetar.
To snømennesker og to påskekyllingar vart måla i påska sine fargar - gult og oransj.

Gnagsår stoppa Vetle i si fyrstebestigning av Kvitfjellet... tek det att neste år!

Det vart avvikla skiskytting på Tryften i år også.. Dårlege veirforhold på standplass førte til nokre strafferunder, men alle kom i mål og fekk velfortjent "KvikkLunsj"premie :)

Under vårvinja i fjøs og hønsehus

Kyllingane har vorte store - det syner at det har fått godt stell hjå Oldefarmor i påskeferien!